Një vit pas ndryshimeve demokratike në Serbi liderët e koalicionit DOS konsiderojnë se është bërë mjaft, por se mund të bëhej edhe më shumë. Për më gjerë në shënimin që përgatiti marijana Stojanoviç.

Kryeministri i Serbisë Zoran Gjingjiç deklaroi se qeveria e Serbisë do të sigurojë funksionimin e Elektrosistemit të Serbisë dhe do të ndërhyje në rast rrezikimi të sistemeve vitale. Në Kuvendin e Partisë Demokratike i cili e zgjodhi atë përsëri kryetar, Gjingjiç tha se greva e minatorëve në basenin KOLLUBARA ka motive politike dhe anuncoi se qeveria të dielën do të përcaktojë në çfarë mase ajo është në përputhje me ligjin. I lutur të komentojë programine ri të DPS në të cilin nuk përmendet RFJ dhe institohet për Malin e ZI sovran, Gjignjiç tha se deklaratat politike dallohen shpesh nga realiteti. Ai ka shtuar se shumica e qytetarëve të Malit të Zi do të vendosë se çfarë raporti do të ketë me Serbinë.

Jam i zhgënjyer prej vendeve perëndimore të cilat premtuan ndihmë më të madhe për vendin tonë, deklaroi kryeministri i Serbisë Zoran Gjingjiç në intervistën dhënë DEJLI TELEGRAF të Londrës dhe i bëri thirrje liderëve perëndimorë që në të ardhmen të premtojnë vetëm atë që mund të përmbushin. Ish-sekretarja amerikane e shtetit Medlin Ollbrajt para dy vjetësh na premtoi 1 miliard dollarë nëqoftëse rrëzojmë regjimin e Millosheviç, kurse deri më sot kemi marrë vetëm 100 milion dollarë, theksoi Gjingjiç në bisedën me rastin e përvjetorit të ndryshimit të pushtetit në Jugosllavi më 5 tetor, transmeton BBC.

Kryetari i Komitetit jugosllav për Kosovën e Metohinë dhe antar i Qendrës koordinuese Momçilo Trajkoviç deklaroi se serbët nuk i bojtkojnë zgjedhjet në Kosovë, por ata nuk kanë kushtet elementare për të dalë në qendrat e votimit. Trajkoviç e akuzoi komunitetin ndërkombëtar dhe UNMIK-un në Kosovë sepse këmbëngulin që të bëjnë institucione shqiptare dhe tani kërkojnë serbë të ndershëm kooperativë me qëllim që tiu japin legjitimitet për politikën e tyre.

Ministri jugosllav i Punëve të Jashtme Goran Svillanoviç deklaroi se referendumi për hyrjen në BE është kauza kryesore e cila duhet të rregullohet deri vitin që vjen. Sipas mendimit të tij, vendim i tillë do të përkufizonte rrugën jo vetëm të kësaj qeverie, por të popullit dhe shtetit. Qyetetarët e Malit të Zi duhet të vendosin për referendumin lidhur me marrëdhëniet e dy republikave jugoslave, tha Svillanoviç dhe theksoi se do të ishte mirë sikur bisedimet për rirregullimin e marrëdhënieve në federatë të fillojnë, sepse ato do të mund të tregonin se referendumi nuk është i nevojshëm. {do vendim i qytetarëve të Malit të Zi do të pranohet në Serbi, ka thënë Svillanoviç.

Udhëheqësi i lartë fetar i lëvizjes qeverisëse afgane të Talebanëve Mulla Moamer Omar dha urdhër për lirimin e gazetares britanike Ivon Ridli, e cila u arrestua para një jave për shkak të hyrjes ilegale në Afganistan. Ministria e Jashtme e regjimit të talebanëve njoftoi njëkohësisht se qeveria e Kabulit është e gatëshme të lirojë edhe 8 punonjës të huaj humanitarë me kushtin që SHBA ti pezullojnë kërcënimet me sulmin mbi Afganistan, transmeton agjencia e atjeshme AIP.

Këshilli i sigurimit i KB të premtem mbrëma i bëri thirrje serbëve dhe shqiptarëve në Kosovë e Metohi që të dalin në zgjedhjet e nëntorit me qëllim që formimi i vetëqeverijes provizore të bënte të mundur krijimin e "autonomisë elemnetare". Duke marrë pje;së në diskutim, shefi i misionit civil të KB në Kosovë Hans Hakerup deklaroi se mbi 1,2 milion vetë u regjistruan për zgjedhjet e ardhëshme. Ai vlerësoi se komunitete minoritare edhe më tej përballen me probleme sigurie dhe se është akoma e pasigurtë nëse serbët do të dalin në zgjedhje. Zëvendësambasadori amerikan Xhejms Keningen kërkoi përfundimin e dhunës mbi serbët dhe komunitetet e tjera minoritare me qëllim që më 17 nëntor edhe ata të cilët Kosovën e braktisën me dhunë të mund të dalin në zgjedhje.

Debati 5 ditor në Asamblenë e Përgjithshme të OKB kushtuar terrorizmit përfundoi pa miratim të rezolutës përfundimtare, për shkak të qëndrimeve të ndryshme dhe ndarjes midis vendeve antare. Sekretari i përgjithshëm i KB Kofi Anan kërkoi prej të gjitha vendeve antare që në takimin e ardhshëm ministerial më 10 nëntor më parë të pranohen, e pastaj edhe të nënshkruhen, ratifikohen dhe zbatohen që të 12 konventat ekzistuese mbi terrorizmin.

Minatorët e REMBAS-it nga Resavica, miniera më e vjetër dhe më e madhe me skploatim nëntokësor në Serbi, iu bashkuan grevës së përgjithshme të kolegëve të tyre nga KOLLUBARA, KOSTOLLAC dhe 8 minierave të tjera dhe kërkesave të tyre i shtuan kërkesa të reja, konfirmoi për Tanjugun kryetari i këshillit grevist raka Miletiç. Listës së kërkesave të minatorëve iu shtua edhe ajo me anën e së cilës kërkohet që në proçedurë parlamentare të futet ndryshimi i Ligjit për kufirin limit pëe daljen në pension.

Statusi shtetëror i Malit të Zi është çështja më vendimtare për republikën. Pa shtet vetjak Mali i Zi do të ishte destinuar për dështim kombëtar dhe shtetëror si pjesë bashkangjitëse e interesave të huaja, qoftë edhe atyre vëllazërore, deklaroi presidenti malazez dhe udhëheqës i DPS Millo Gjukanoviç në Kongresin e 4 të kësaj partie. Aleanca e vendeve të pavarurua është propozimi më i mirë për zgjidhjen e m,arrëdhënieve të Serbisë dhe Malit të ZI, theksoi Gjukanoviç. Ai citohet të ketë thënë se përvoja dhjetëvjeçare e jetesës në shtetin e përbashkët konfirmoi se është e pamundur të imagjinohet formula kushtetuese e cila do të siguronte kënaqjen e interesave dhe barazinë e Malit të Zi.